Title:
Albrecht von Haller to Carl Linnaeus
Type:
Image
Licence:
Contact [email protected]
Repository:
The Linnean Society of London
Collection:
Linnaean Correspondence
Reference number:
LC/6/73
Archival level:
Item
Date:
14 April 1737
Placement:
Volume 6: 149-150
Extent:
149-150
Language:
la
Description:
There are rumours originating from Jean-Rodolph Iselin that Albrecht von Haller does not entirely agree with Linnaeus’s sexual system. According to Haller the Bacciferae and Unisiliquae (Boerhaave) cannot constitute a class, because in both of them are found Tetrastemones, Pentastemones, Hexastemones, etc. as well as Diangiae, Triangiae, Polyangiae, Polycarpae, Monopetalae and Polypetalae of all kinds. These in their turn are separated through the class of Solanum. Haller together with Johannes Gesner is working on a comprehensive study with new descriptions and characters of 3,000 native plants and a critical history of the whole. Johann Jakob Dillenius’s edition of Phytopinax will be of great help. Haller sends thirteen copies of his dissertation to Frankfurt. Seven are for Linnaeus himself. The others are meant for Herman Boerhaave, Bernhard Siegfried Albinus, Johan Frederik Gronovius, Hieronymus David Gaub, Johannes Burman and Adriaan van Royen. Anblatum does indeed have four very large apices and the peduncles are inserted in these like arrows at the capsula. Haller cannot understand why Linnaeus placed this plant among the Octostemones. Haller would like Linnaeus to send him his Genera plantarum, Systema naturae, Musa Cliffortiana, Flora Lapponica, Critica botanica and Hortus Cliffortianus. He would also be grateful for Laplandish mosses and foreign plants from Linnaeus himself or George Clifford. In return Haller will send Alpine plants. He is grateful for Halleria. Christian Gottlieb Ludwig is using a method based on one part only (not the most important one) and it is not a natural method. Haller does not know of Johann Georg Siegesbeck’s work. Pietro Antonio Micheli has died unexpectedly. Haller praises Micheli for his great number of species and their precise characters. Micheli has forestalled Haller in many species among the Jungermanniae, the lichenes and the near relations of the Fungi. Haller would like to have Johannes Burman’s Thesaurus Zeylanicus. Haller adds the titles of some books from his library.
Sender:
Haller, Albrecht von
Recipient:
Linnaeus, Carl
Transcription:
Amicissimo Viro, Botanico Eximio, Carolo Linnaeo, M[edicinae] D[octori] et S[ocio] A[cademiae]I[mperialis] N[aturae] C[uriosorum], S[alutem] p[lurimam] d[icit] Alb[ertus] Haller. Hoc maxime Te nomine adloquor ignotus, ut a primo limine intelligas, quam vanus fuerit rumor et quam falsa narraverit Iselius Gronovio. Nulla certe mihi cum Iselio intercedit consuetudo. Audiisse potuit ab amico meo Staehelino me Tecum quod ad possibilitatem Systematis ex Sexu dissentire aliquantum. Mihi vero neque Tecum neque cum ullo alio litem unquam movere in animum venit. Qui scientias vere amant, et eos necessario quodam nexu amant per quos scientiae increscunt. Ita et ego tunc amantissimus fui Tui, quando Tu de me nondum cogitabas. Neque deterrent me a justa veneratione Viri bene meriti naevi aliqui aut defectus. Iis enim natura ipsa obnoxios nos fecit. Ea ergo omnia, quae Tu liberaliter et sapienter dixisti, eum tantum habebunt usum eumque non spernendum, ut animum Tuum perspectum habeam. Qui enim in hostem fuisti modestus, ingenuus et ultra provocati hominis justam iram Tui continens, is certe erga amicum plane eris suavissimus, optimus. Vicissim me experieris Tui omniumque bonorum cupidum et ad omnia officia eo promtiorem, quod non Tibi solum sed toti Rei herbariae me inservire intelligam, quotiescunque Tibi usui esse potero. Hisce praefatis intelligis facile me quaecunque in nostro Commercio, quod mihi gratissimum erit, diversa a Tua sententia dixero, ea Tecum amico intra limites privatae amicitiae mansura publicae luci non destinata. Ita nempe in dissertatione nupera de Systemate Tuo egi, ut neque nomini Tuo detrahere neque sententiam Tuam damnare susceperim, sed ea tantum enumerare dubia, quae in Praxi novae methodi videntur Tibi obvia futura. Bacciferae certe et unisiliquae Boerhavii pro classe plane haberi nequeunt. Confluunt in iis tetrastemones, pentastemones, hexastemones, &c., Diangiae, triangiae, polyangiae, polycarpae, monopetalae, polypetalae omnis generis. Eas divulsuro obcurrit Solanorum genus nativo quodam saporis, virium medicatarum, &c. vinculo cohaerens, licet capsulis, flore, sexus organis diversum. Id me, quin in synopsi classem ejiciam, retinet, sed plura alias. Hic enim ad Tuas respondere sufficiat, cum in ultima manu imponenda monstri cujusdam descriptioni nunc totus sim. De Synopsi Helvetica verum dixerunt, qui me cum Gesnero in ea laborare retulerunt. Adcedit Staehelinus plane adsiduus minimarum stirpium scrutator. Ultimam, ut vocant, revisionem nunc incepi et totus sum in fungis, quorum characteres et synonymiae mihi pene inextricabiles videntur. Muscos perfeci sed non sine plurimis dubiis. Paro autem non synopsim solam, sed magnum opus, descriptiones novas et characteres 3 000 indigenarum cum pinace continens proprio et historia critica, eorum synonymorum, &c. Hunc laborem levem faciet Dillenii Phytopinax, quem utinam proxime liceat videre. Dissertationis meae 13 exemplaria mitto Francofurtum. Ibi ea a Jacobo Renier, Mercatore in Dönge-Strasse, per quemcunque Tibi notum Batavum mercatorem adcipere poteris instantibus nundinis. Horum sex Boerhaavio, Albino, Gronovio, Gaubio, Burmanno, Royenio dabis, reliqua Tibi serva. Anblatum vere habet quatuor eosque ingentes apices, quibus sagittatim ad capsular[em] nexum inseruntur pedunculi. Qua ratione inter octostemones mihi irrepserit non video, cum adversaria mea plane repugnent. Sed haec cum scripserim, ob mortem amatissimae conjugum exanimis, facile per moesti animi nebulas alucinatio irrepsit. Vicissim Tua genera, Tuum systema naturae, Tua Musa, Tua Flora, Tua Critica, Tuus hortus Cliffortianus erunt exoptatissima. Nummos Amstelodami Tibi numerari curabo per mercatorem, ni fallor, Reuss cognomine. Haec vero per Mercatorem aliquem Batavum mitte, quaeso, ad dictum Renierum, qui simul Tuo mercatori & nummos, si mavis, & mea omnia dabit. Gratissimi erunt Musci etiam Laponici Exoticaeque tam Tuae quam Cliffortianae. Ego vicissim Alpinas stirpes plurimas et ipsas observationes, quae in rem Tuam erunt, et omnia mea sincere offero. Sexum examinari adtentius et descriptiones adcuratas fieri characteris intimi est quod cum omni Veritatis studioso gaudeam. Et ego ea via incessi, quae sola ad solidam cognitionem ducit, facilior pene quam quae per Praeceptores. Age porro et nos Tuis observatis dita. Humanitatem in nomine Halleriae adgnosco, non meritus. Haec enim praemia satores rei herbariae solos decent. Nova Tua pergrata fuerunt. Ludwig, communis amicus, methodo utitur magis in Germania recepta quam probata sibi, nimis certe nonnaturali et quae unica neque principe parte nititur. Siegesbeckii opus mihi ignotum. Michelii mortem inopinatam mihi plane illibenter audio. Perindustrius certe, licet rudior literarum, copiosissimas species, subtiles dedit Characteres. Species certe mihi praeripuit innumeras in Jungermanniis, Lichenibus & fungorum adfinibus. Plus hac in classe praestitit quam quicunque alius. Sunt tamen in eo, quae aut non video aut non probo. Thesaurum Burmannianum, cum de mercatore constiterit, cum aliis quibusdam vetustioribus libris aliquando in Batavia occurrentibus si meos facere volueris, rem ages mihi gratissimam. Ego vicissim stirpes Hercynicas et alias, quaecunque merebuntur, et mineras, si quae Tibi placitaturae sint noverim, Tibi parabo omnes. Ad vicinos enim Bructerum aliosque montes adulta aestate iter instituam. Haec, dum aliis nimis sum intentus, breviter. Dubia mea indicabo alias. Nunc id solum addam ex Bibliotheca mea quaedam me addere posse Tuae, ut Caroli Avantii notas ad coenam Fieri [sic], Patav[ii] 1649, Severini lapidem fungimappam ib[idem], editionem Matthioli optimam, Venet[iis] 1565, Gesneri vitam cum aliquot iconib[us] a Wolfio, Feuillée, tomum II, cum stirpibus etiam L[igatum], Paris[iis] 1725, Zanichelli dell’Ipocastano, Venet[iis] 1733, Gesneri Indicem plantarum quadrilinguem, Tigur[i] 1542, Brukman de Coszodrewine et arbore Limbowe (Pinastro M[icheli]s est), Costaeum de natura stirpium, Turin[i] 1578, Rorimone Vom opio Caryophyllis aromaticis, Vino, Thea, Coffea, J. R. Camerarium de Cervaria nigra & Pini conis, et varias alias dissertat[iones] Germanicas, &c., tum totam tractationem de herbariis vivis, methodo ea condendi, exprimendis figuris ex vivis stirpibus, &c. Eam, ut videtur, Tibi subripuit moles rerum majorum. Verum haec Tibi, et soli, dicta velim, qui Tui et studiosissimus fui et nunc, quando animum Tuum novi, jam ero intentius. Vale & me ama! In Georgia Augusta, quae Goettingae est, die 14 Apr[ilis] 1737.
Previous reference number:
L0163
Condition note:
crumpled
