Title:
Xaverio/Saverio Manetti to Carl Linnaeus
Type:
Image
Licence:
Contact [email protected]
Repository:
The Linnean Society of London
Collection:
Linnaean Correspondence
Reference number:
LC/10/21
Archival level:
Item
Date:
7 December 1760
Placement:
Volume 10: 31-32
Extent:
31-32
Description:
Xaverio Manetti is very pleased to have received Linnaeus’s letter [Linnaeus to Manetti, 8 April 1760]. Manetti has asked a friend in Naples to collect seeds from Drypis. When he gets the seeds, he will send them to Linnaeus together with some other specimens, especially Italian insects. Manetti has not yet received the books and dissertations he had asked Linnaeus to send. He suggests that parcels of books should be sent through Johann Acherman & Son in Amsterdam who will send them on to Emanuel Sari in Livorno. The books will then reach Manetti safely as long as his name is added. He would like to know how much the last edition of Linnaeus’s Systema naturae, 10th edition is so that Linnaeus can be paid by the merchant in Amsterdam.
Sender:
Manetti, Xaverio/Saverio
Sent from location:
Florentiae [Firenze, Italy]
Recipient:
Linnaeus, Carl
Transcription:
Equiti Clarissimo et Doctissimo Carolo Linnaeo Regiae Majestatis Sveciae Archiatro; Upsaliensis Universitatis Professori; Bota- nico Summo; Omnium fere Societatum, et Academiarum Europae meritissimo Sodali vel Adjuncto &c S[alutem] P[lurimum] D[icet] Xaverius Manetti Hisce litteris significare Tibi aveo Vir Celeberrime et Doctissime Epistolam Tuam me rite accepisse, ac pro eâ, et humanitate Tua, ac Benevolentia maxima quâ me complecti dignatus es, quas possum, si non aequas, Tibi agere gratias. Usque adhuc responsum distuli, quia semina nonnulla, Plantarum aliqua exsiccata specimina, et Academiae nostrae Physico-Botanicae nuper editum, et Ere incisum amplum dyploma una ipsa occasione ad Te mittere desiderabam, sed cum tuta haec occasio adhuc non adesset, saltem notitiam aliquam Tuae receptae Litterae ultra differre nolui. Semina Drypios in Regno Neapolitano ab amico ut colligerentur impetravi, sed nondum ipsa accepi, et cum recepero illico ad Te mittam cum rebus aliis nonnullis Tibi jam destinatis, ac praecipui quibusdam Insectis Italicis. Si nonnulla Opera Tua, et praesertim rari argumenti Dissertationes, quibus munificentissime me donare velle significasti mittere volueris, scias quammaxime desideratas fore, et acceptissimas, ideoque viam tutissimam ut meas perveniant manus aperiam, et mercatores aliquos amicos, quibus ipsas commendare poteris designabo. Curabis itaque ut Librorum Fasciculus Amsteledamum petat cum directione ad Dominum Johannem Acherman et Filium, ut transmittatur inde Liburnum ad Dom[in]um Emanuelem Sari: ita cito, ac tuto fasciculum accipiam, dummodo ad calcem ejusdem superscriptae meum et nomen adnotetur. Novissimam Systematis Naturae editionem parato praetio, quoque cuperem, et ab ipso Amstelodamensi Mercatore argentum recipere poteris. Ne autem molestus nimium sim, praesertim petitis meis Epistolae finem imponam, nihilque addam, nisi ut Favori Tuo me in posterum, ut hucusque impense solitus es, me commendem; Deus vero O. M. Te incolumen servet in commodum et gaudium cunctorum, qui a Te pendent, et amicorum, qui Te suspiciunt, oblectamentum. Vale etiam, atque etiam, et diu vive prosperrime. Dabam Florentiae die VII. Decembris MDCCLX.
Previous reference number:
L2837
Condition note:
31 recto - small tears r.h.edge; small stain b.r.corner. 32 recto - small hole b.l.corner (in pasting); b.r.corner torn away.
