Title:
Adriaan van Royen to Carl Linnaeus
Type:
Image
Licence:
Contact [email protected]
Repository:
The Linnean Society of London
Collection:
Linnaean Correspondence
Reference number:
LC/12/135
Archival level:
Item
Date:
14 October 1740
Placement:
Volume 12: 277
Extent:
277
Sender:
Royen, Adriaan van
Recipient:
Linnaeus, Carl
Transcription:
Viro Clarissimo, Botanico Eximio, Carolo Linnaeo, S[alutem] P[lurimam] D[icit] A[drianus] Van Royen. Rudbeckii Campus, Browallii Examen Epicriseos Siegesbeckiani justissimum &c. accepi, proque tot & tam splendidis muneribus, ex quibus jam hinc inde proficere licuit, meritas grates Tibi rependo. Utinam plures tales vel similes Suecos haberem Botanicos! Tu si quos praeterea mihi comparare possis, mittas quaeso; vicissim ego alios, quos desiderabis, mittam curaturus ne nimium sim in aere tuo. Gaudeo grata Tibi fuisse Tournefortii, Boerhavii aliorumque opera in tuas manus, ut ex ultimis intellexi, jam tradita. Nunc per D[ominum] Gronovium a me accipies pretiosas Burmanni Decades Plantarum Africanarum, Fasciculum seminibus variis refertum, & siccas quasdam stirpes, in quibus (uti a me factum) examinandis & ad sua genera & species reducendis Te delectare poteris, et, si lubet, sensa tua super iisdem mecum communicare. Eadem enim Tibi mihique specimina siccavi & servo, ut mentem tuam mihi explices & responsa des ad quaesita hoc ordine proposita. No 1. An Malva & quae species? Accepi eam ex Horto Amst[elodamensi] perennem, pedalem. 2. Crassula; quodnam erit nomen specificum? 3. Commelina flore luteo; ecquid habet distincti a reliquis? 4. Sambucus racemosa rubra Bauh. pin.; ex hoc specimine judices. 5. Rhamnus? fauces frangulae, fruticat, flores ex alis foliorum ramorumve, ex H. Cliff. 6. Actaea? Ita videtur. Vide notata in schedula! 7. Coronilla caule genistae fungoso. Tourn. inst. Novistine eam ex facie? 8. Malva. Alcaea aegyptica geranii folio Lippii Manuscripti. Hoc Manuscriptum ex Bibliotheca Boerhaaviana pro Bibliotheca nostra publica comparavi. 9. Dracocephalum? Cedronella tatarica &c. 10. Gramen avenaceum dumetorum panicula sparsa. Raj. hist. 1289; cujus generis, quae species? 11. Gramen foliolis junceis, oblongis, radice nigra & alba. Bauh. pin.; cujus generis & sp[eciei]? 12. Reseda? Ita videtur ex nota essentiali. 13. Gramen tartaricum avenaceum semine albo. Misit Gerberus; cujus generis & sp[eciei]? 14. Scabiosa peregrina flore dilute caeruleo. Dercum humanae altitudinis. 15. Composita cujus generis, quae species? Habes ramum lateralem, plantae ramosissimae pedem altae. 16. An Ornithogalum? Est ornith. luteo virens indicum Cornuti & Rudbeck. Camp. Elys. Tab. 140. tria petala expansa vel patentia, tria interiora clausa quasi, fimbriata, vid. icones citatas, sed rudiores! 17. Geranium an nova species? radix rapae. Confer Burmann. Decad.! Siccam Gronovius noster Tibi mittet plantam flore composito, quam inter Kleiniam & Porophyllum charactere suo ambigere comperio; hinc quaeri posset, an icon conjunctis hisce generibus haec ut nova species subjungi posset. Tu, quaeso, partes examina & quid videatur in proximis significa! Generum Plantarum novum exemplar pro altera editione accepimus & una cum Gronovio amicissimo curabimus, ut nitide prodeat Tibique placeat. Tu edenda Philosophia Botanica festina lente, & consummatam nostrae, si ita videtur, curae committe! Siccas stirpes alio tempore plures mittam, ubi non visas Tibi inveniam. Commentarius in Boerhaavium nondum prodiit. Segueri Bibliothecam accipies a Gronovio, una cum armis, quibus Te data occasione defendas eumque pro meritis traducas. De Michelii operibus posthumis despero plane vos ea visuros esse. Caeterum Uxorem tuam charissimam plurimum meo nomine salvere jubeas & multos annos in beato conjugio voveas. Gaudeo, quod Te virum praestiteris & uxori dilectissimae propediem matri esse liceat. Vale! Leydae ad d[iem] 7 Octob[ris] 1740. Litteras has ultima vice suis includere oblitus Gronovius nunc includet. At velim scias me alteram tuam epistolam 15 sept[embris] accepisse & pro communicatis grates agere. Iterum Vale! 14 Octobr[is] 1740. Address Monsieur Monsieur Carolus Linnaeus Linnaeus D[octeur] [en] M[edicine] &c. de L’Academie Royale les Sciences a Paris a Stockholm
Previous reference number:
L0412
Condition note:
R.h.edge recto crumpled and discol. Remnants of seal in 4 places on verso. Ink smudged on address.
